Cris e Elia son unha parella que busca ter un fillo e que parecen vivir unha historia de amor case perfecta. Dentro desta relación hai unha certa tensión subxacente, problemas pasados, control, medos e un mal cheiro persistente no faiado ao cal Cris ten prohibido ir. Tras unha forte discusión, Cris acaba desafiando á súa parella e entrando no faiado prohibido, a pesar das advertencias dela.

BIOFILMOGRAFÍA

Nado en Vigo en 2003, comezou a súa labor como director no 2022 codirixindo a curtametraxe CA-I-RO, xunto a Hugo R. Morgado. Non sería ata 2023 cando realice a súa primeira dirección en solitario coa curtametraxe Xogo de nenos, obtendo 15 seleccións en festivais e catro premios diferentes.

Ancora é o seu terceiro traballo co cal ten grandes expectativas, debido a que é o máis persoal e elaborado de toda o seu filmografía, incluíndo escenas de baile realizadas xunto á súa irmá debido aos seus moitos anos no máis alto nivel da ximnasia acrobática.