Antonio, un escritor en plena crise, decide contratar os servizos de Sarcum Solutions, unha empresa tecnolóxica que se dedica a facilitar unha tarefa que a Antonio élle moi difícil realizar por si mesmo.

BIOFILMOGRAFÍA

En 2016 termina estudos superiores de Realización para Cinema en EMAV (Barcelona). Ese mesmo ano funda A Lombarda Films, onde xunto a amigos que tamén veñen do mundo audiovisual e cos que leva facendo sketches e gags desde o 2001 realiza a serie The Last Call (2016), que ten un gran percorrido por Youtube e por festivais de web series.

Escribe e dirixe películas para A Lombarda Films, cos que se dan a coñecer en moitos festivais e faise con varios premios. A destacar O último tren ao Rock n Roll (2021), unha longametraxe que é a conclusión da TV Serie The Last Call, pero esta vez estréase en Netflix, Amazon Prime Vídeo e Filmin, tras un percorrido internacional de festivais (Festival de Sitges, Lusca, Isla Calavera…) nos que gaña varios premios, (Mellor produción: Festival internacional de cinema de calzada de calatrava, Premio do público en Ibicine, Mellor edición e Mellor BSO en Cinema Non Visto).