Belén e Paco están xubilados. De forma inesperada un dos seus fillos sofre un accidente que cambia completamente a situación familiar. A vellez complicóuselles. A vida pode cambiar nun instante.

BIOFILMOGRAFÍA

José A. Campos (1984). Director e guionista. Actualmente desenvolve a súa carreira profesional en Madrid traballando como realizador, cámara e editor en televisión, axencias de publicidade e dentro do departamento audiovisual da Universidade a Distancia de Madrid. As súas últimas curtametraxes foron seleccionados en máis de 500 festivais de todo o mundo conseguindo máis de 100 premios. Entre as súas obras cabe destacar; “3 gramos de fe”, “A Orixe”, "Happy Friday” e “Globo”. 

En agosto de 2022 estrea “Lentellas” obtendo premios e seleccións en festivais tan importantes como Cleveland Film Festival (EEUU) ou Black Nights Film Festival (PÖFF), ambos cualificadores de Oscars e consegue a candidatura aos Goya. 
Actualmente desenvolve o guion da súa primeira longametraxe.