Concelleiro de cultura do Rosal. Representa á administración patrocinadora.
Músico. Profesor de bioloxía e xeoloxía no IES Antón Alonso Ríos. Natural de Bueu, é veciño do Rosal desde 1995.
Desde sempre vinculado ao mundo da cultura, fundamentalmente a través da música. Como músico tocou en grupos de rock de Vigo nos anos 80. Forma parte desde o ano 2000 do grupo De Outra Margem, de música galego portuguesa, toca na Banda da AMdoR desde 2009 e no grupo de música tradicional Vos Carballas desde o ano 2012.
As súas inquietudes culturais sempre estiveron ligadas ao mundo da música. Ademais, entre o 98 e o 2001 formou parte do equipo de redacción da revista Río, editada pola Asociación Eliseo Alonso.
Actor, guionista e director. Escribe e dirixe as curtametraxes Dies dei (2009), Flores para Amalia (2013) e Lurna (2016), obtendo entre eles máis de 200 seleccións nacionais e internacionais e preto de 50 premios.
Lurna estivo seleccionada en máis de 25 países. Obtivo, entre outros, o premio á mellor curtametraxe en festivais como o Festival de Cinema insurxente Cinecipó (Brasil), o Camaiore Film Festival (Italia), o Festival pola Igualdade e contra o Racismo (España) etc.
A súa última curta, Antes de que se poña o sol, acadou o premio do público na IV Mostra de Cinema do Rosal.
Nani Matos desenvolve, actualmente, a súa actividade na escritura de varios proxectos ligados ao audiovisual e na interpretación teatral.
Fotógrafo. Autodidacta e independente. Despois dun primeiro contacto coa fotografía nos anos 80, é a partir de 2012 cando realmente implícase. Desde entón, dedícase a percorrer o espazo público e ser testemuña no que nel acontece.
Fixo cursos e talleres con renomeados fotógrafos como Rafa Baía, Nicolás Combarro, Cristóbal Hara, José Manuel Navia, Eduardo Momeñe, Walter Astrada e Óscar Molina, entre outros.
As súas imaxes foron publicadas en medios escritos e dixitais e foron expostas en salas de cidades galegas como Vigo, Santiago, A Coruña, Pontevedra e Ferrol, e a nivel internacional en Lisboa, Miami, San Francisco, Londres e Milán.
En 2016, xunto con outros tres fotógrafos, fundou Quitar Fotos. Un espazo de reflexión, diálogo e difusión de propostas visuais de rúa e documentais.
Mencionado por Xataka Foto, Lensculture ou Rubexiphotocomo un dos fotógrafos que merecen ser seguidos.
Bieito Álvarez Carrero
Máis colecido como BIEITOSOLO, iniciou seus estudos no conservatorio de A Guarda e continuou no Seminario Permanente de Jazz de Pontevedra.
Ten tocado en varias formacións de grupos de rock, musica afroamericana , pop e jazz.
É un músico multi instrumentista que crea un cóctel sonoro onde mistura os diferentes estilos musicais Crea os seus temas cun loop dun xeito fluido. Toca e grava en directo distintos instrumentos (guitarra, baixo, banjo, percusións).
A sua música combina temas propios con adaptacións cantadas en galego Realiza proxectos temáticos como “ Música nos lavadoiros” recreando o ambiente musical da época, historia e evolución da musica cubana, “Cachiños da decada dos 70, " Cachiños da decada dos 80… e actualmente este proxecto de “Música de cine” onde se fai un repaso das melodías mais emblemáticas.
No 2023 publicouse o seu EP, “A bicicleta de Tolstoi”, dispoñible nas plataformas dixitais.
Achega unha óptica diferente ao xurado. Vinculada desde hai anos ao Colectivo San Roquiño, non só actúa nas súas producións, tamén é coautora dos guións de moitas delas, maquilladora e modista.
Conta cunha traxectoria profesional de 30 anos como deseñadora de roupa en diferentes firmas galegas e máis de 20 anos como responsable do departamento de compras nunha empresa do sector téxtil.
Polifacética como poucas, sempre está disposta a botar unha man en calquera actividade cultural. É a presidenta do Centro Goianés, de gran actividade cultural (teatro, concertos, exposicións, presentación de libros...). Colabora tamén co entroido de Goián e baila. Dela pódese dicir que se se trata de expresión cultural, apúntase a todo sen facer distinción.
Representa á asociación Ghorgholado, organizadora da Mostra.
Leva na organización da Mostra de cinema do Rosal desde o comezo. Cinéfilo, autor dalgunha curta. Desde sempre interesado pola cultura.
Cando ten tempo escribe. Varias publicacións só ou con outros autores.
