Unhas canchas de fútbol de barrio. Cinco contra cinco. Ra e o seu equipo séntense humillados polos brasileiros do barrio de á beira, que levan tempo gañándolles. Pero hoxe non van perder, e menos diante de Alba, a ex de Ra, e farán o que sexa necesario para evitalo. Esta é a oportunidade perfecta para os mozos do Polígono X de facer algo que levan moito tempo esperando: expulsar aos brasileiros do seu barrio. 

BIOFILMOGRAFÍA

Néstor López (1992). Director e produtor de cinema hispano portugués. Gañador do Premio Goya 2025 á Mellor Curtametraxe Documental con Sementes de Kivu, actualmente cualificado para os Premios da Academia 2026. A obra tamén formará parte dos programas das Nacións Unidas e do Parlamento Europeo e foi seleccionado no programa Le Nuits D´Or dos Premios César da Academia Francesa onde foron seleccionados anteriormente directores como Oliver Laxe ou Rodrigo Sorogoyen. Dirixiu 6 curtametraxes cos que, ademais do Goya, obtivo premios en festivais como SEMINCI, FICG Guadalaxara, New York Shorts ou Pequín. Actualmente prepara o longametraxe Sementes de Kivu da man de Beta Fiction, RTVE e Movistar Plus e foi seleccionado coas súas longametraxes en programas como IDFA Forum, Dok.Connect, Programa Ibermedia - Atitlán, Escac Ópera Prima, LabGuion de Antioquia, FIDBA Link Buenos Aires ou o Curso de Desenvolvemento do Proxectos Audiovisuais do Programa de Ibermedia. É fundador da produtora Filmakers Monkeys. Como produtor, formou parte da Shortlist dos Premios Oscars e gañado o Gran Premio do Xurado en Sundance coa Gran Obra, Dous Premios Goya como produtor, Premio Forqué á Mellor Curtametraxe e competeu en Sección Oficial da Biennale de Venecia. É profesor en ECAM e foi xurado de festivais como Seminci. En 2024 foi elixido dentro do Top 100 Creativos da Lista Forbes.