Afrontamos este ano a sexta edición da Mostra de cinema. Celebrarase en dúas localizacións diferentes; a primeira parte, dedicada ás proxeccións das curtas finalistas, de mércores 5 a sábado 8 na Praza do Maio de Tabagón. A entrega de premios en sesión vermú, o domingo 9 na Praza do Calvario do Rosal, nos xardíns do concello.
A parte principal das proxeccións serán na Praza do Maio de San Xoán de Tabagón, O Rosal.
Tabagón está á beira do Miño, a un paso de Vigo e a un pasiño da Guarda, Tomiño e Portugal.
A entrega de premios na Praza do Calvario da mesma vila do Rosal
As proxeccións das xornadas son ao aire libre, polo que necesariamente ten que ser pola noite. Para as datas de celebración das xornadas, está previsto o solpor un pouco antes das 22:00, polo que as proxeccións comezarán a esa hora.
Ao rematar as proxeccións, un chocolate quente para os asistentes.
A entrada é gratuíta. Non podería ser doutra maneira, pois nin as xornadas nin a asociación organizadora teñen ánimo de lucro. A única limitación é o aforo, que dificilmente se pode completar, dada a extensión do lugar de celebración. O sábado remataremos cunha queimada.
Somos Ghorghalado, a asociación que organiza a Mostra de Cinema do Rosal. Somos unha asociación cultural que non se limita á organización deste festival de curtametraxes, senón que ao longo do ano realiza outras actividades, sempre no ámbito da cultura e o patrimonio.
Saber máis de nós.
Apertura da VI Edición. Presentación da edición.
Actuación musical.
Breve presentación das curtas a proxectar.
Proxeccións.
Chocolate quente.
Breve presentación das curtas a proxectar.
Proxeccións.
Chocolate quente.
Breve presentación das curtas a proxectar.
Proxeccións.
Chocolate quente.
Breve presentación das curtas a proxectar.
Proxeccións.
Chocolate quente.
Queimada para rematar as proxeccións.
Nos xardíns do concello de O Rosal.
Desde as 12:30 sesión vermú con actuación musical.
Entrega de premios e clausura da VI Mostra de Cinema do Rosal
Na Praza do Calvario de O Rosal e noutras localizacións do Baixo Miño e ribeira portuguesa do Miño.
Relación de curtametraxes seleccionadas de entre todas as inscritas.
Relación de curtametraxes que optan á mellor interpretación, guión ou fotografía, así como aos premios á mellor curta de temática social e temática rural.
Fixéronse públicas o 8 de agosto, unha vez coñecido o premio do público á mellor curta.
Está formado por un cineasta, unha actriz, un representante dunha entidade patrocinadora, outra de Ghorghalado, un músico e outra máis vinculada ao cinema feizoado.
Sete premios. Entregarase unha figura artesanal en pedra co logotipo da Mostra.
Exposicións e demais. Iranse anunciando puntualmente.
Fotos e vídeos de anteriores edicións.
Organiza
Patrocina
Colaboran
