Concelleiro de cultura do Rosal. Representa á administración patrocinadora.
Músico. Profesor de bioloxía e xeoloxía no IES Antón Alonso Ríos. Natural de Bueu, é veciño do Rosal desde 1995.
Desde sempre vinculado ao mundo da cultura, fundamentalmente a través da música. Como músico tocou en grupos de rock de Vigo nos anos 80. Forma parte desde o ano 2000 do grupo De Outra Margem, de música galego portuguesa, toca na Banda da AMdoR desde 2009 e no grupo de música tradicional Vos Carballas desde o ano 2012.
As súas inquietudes culturais sempre estiveron ligadas ao mundo da música. Ademais, entre o 98 e o 2001 formou parte do equipo de redacción da revista Río, editada pola Asociación Eliseo Alonso.
Actor, guionista e director. Escribe e dirixe as curtametraxes Dies dei (2009), Flores para Amalia (2013) e Lurna (2016), obtendo entre eles máis de 200 seleccións nacionais e internacionais e preto de 50 premios.
Lurna estivo seleccionada en máis de 25 países. Obtivo, entre outros, o premio á mellor curtametraxe en festivais como o Festival de Cinema insurxente Cinecipó (Brasil), o Camaiore Film Festival (Italia), o Festival pola Igualdade e contra o Racismo (España) etc.
A súa última curta, Antes de que se poña o sol, acadou o premio do público na IV Mostra de Cinema do Rosal.
Nani Matos desenvolve, actualmente, a súa actividade na escritura de varios proxectos ligados ao audiovisual e na interpretación teatral.
Raquel Menor é productora de cinema e teatro, guionista e
actriz.
Produciu ¿Recuerdas Cuando Estábamos Enamorados? ou Cuarzo, seleccionado
en festivais nacionais e internacionais e varios premios (Festival de Málaga á
Creación).
En teatro, Hechos Furiosos. Estreo Internacional Teatro La Capilla
(CDM).
Como guionista as longametraxes A Nosotros tu Reino ou La
Oveja Negra, así como varias curtas premiadas internacionalmente.
Como actriz pódese ver o seu traballo en Bajo La Luz Roja ou
Vestida de Blanco, entre outras longametraxes. É tamén actriz de teatro e de
dobraxe. Entre outras curtas, protagoniza Me Voy a Quedar, que foi finalista na
IV Mostra de Cinema do Rosal.
Bieito Álvarez Carrero
Máis coñecido como BIEITOSOLO, iniciou seus estudos no conservatorio de A Guarda e continuou no Seminario Permanente de Jazz de Pontevedra.
Ten tocado en varias formacións de grupos de rock, musica afroamericana , pop e jazz.
É un músico multi instrumentista que crea un cóctel sonoro onde mistura os diferentes estilos musicais Crea os seus temas cun loop dun xeito fluido. Toca e grava en directo distintos instrumentos (guitarra, baixo, banjo, percusións).
A sua música combina temas propios con adaptacións cantadas en galego Realiza proxectos temáticos como “ Música nos lavadoiros” recreando o ambiente musical da época, historia e evolución da musica cubana, “Cachiños da decada dos 70, " Cachiños da decada dos 80… e actualmente este proxecto de “Música de cine” onde se fai un repaso das melodías mais emblemáticas.
No 2023 publicouse o seu EP, “A bicicleta de Tolstoi”, dispoñible nas plataformas dixitais.
Achega unha óptica diferente ao xurado. Vinculada desde hai anos ao Colectivo San Roquiño, non só actúa nas súas producións, tamén é coautora dos guións de moitas delas, maquilladora e modista.
Conta cunha traxectoria profesional de 30 anos como deseñadora de roupa en diferentes firmas galegas e máis de 20 anos como responsable do departamento de compras nunha empresa do sector téxtil.
Polifacética como poucas, sempre está disposta a botar unha man en calquera actividade cultural. É a presidenta do Centro Goianés, de gran actividade cultural (teatro, concertos, exposicións, presentación de libros...). Colabora tamén co entroido de Goián e baila. Dela pódese dicir que se se trata de expresión cultural, apúntase a todo sen facer distinción.
Representa á asociación Ghorgholado, organizadora da Mostra.
Leva na organización da Mostra de cinema do Rosal desde o comezo. Cinéfilo, autor dalgunha curta. Desde sempre interesado pola cultura.
Cando ten tempo escribe. Varias publicacións só ou con outros autores.
